BES BAǴYT BOIYNShA BILIM SAIYSY ÓTTI (FOTO)
Qasıetti Ramazan aıynda QMDB Astana qalasy ókildigi jastardyń bilimin arttyryp, tanym kókjıegin keńeıtýde belskendilik tanytýda. Solardyń biri kúni keshe ǵana «Áziret Sultan» meshitiniń tórinde ótken «Islam jáne izgi qoǵam» jyly aıasyndaǵy bes baǵyt boıynsha bilim saıysy. Aıtýly shara bes baǵyt aıasyndaǵy negizgi 8 pán boıynsha júrgizildi. Atap aıtar bolsaq, Quran oqý erejeleri, Paıǵambarymyzdyń (s.ǵ.s) ómirbaıany, sahabalar ónegesi, fıqh, aqıda jáne qazaq tarıhy pánderi boıynsha, sondaı-aq, «Din men dástúr» kitaby men ıhsan baǵyty boıynsha «Úmit sáýelsi» kitaptaryn negizge ala otyryp, shákirtterdiń bilimi tekserildi.
Elordadaǵy 15 meshittiń arasynda ótken bilim saıysy bastalmas buryn qala bas ımamy Erbolat Nuryldauly qatysýshylarǵa sáttilik tilep, aq lebizin bildirdi. Atalmysh sharada QMDB dinı bilim jáne kadr daıarlaý bóliminiń mamany Jańabaı Maratuly, Astana qalasy boıynsha pátýaǵa jaýapty maman Tamırlan Darhanuly, QMDB dinı ońaltý bóliminiń mamany Jarbol Bolatuly, Tarıh ǵylymdarynyń doktory Mahsat Alpysbesuly jáne qala bas ımamy Erbolat Nuryldauly qazylyq jasap, ádil sheshim shyǵarýǵa tyrysty.
4 aınalymnan turǵan saıystyń ár aınalymynan keıin upaıy tómen úsh komanda jarystan shyǵyp qalyp otyrdy. Nátıjesinde, 3-oryndy «Ál-Ǵanı» meshiti ıelenip, 2-oryndy «Áziret Sultan» meshiti qanjyǵasyna baılady. Al «Áljan ana» meshitiniń shákirtteri top jaryp, bas júldeni jeńip aldy. Basqa meshittiń qatysýshylary upaı jaǵynan artta qalsa da, ózderin túrli baǵytta synap, qalyspaıtynyn kórsetti. Máselen, biriniń Quran boıynsha bilimi joǵary bolsa, endi biri qolóner buıymdaryn jasaýǵa sheber.
Jeńimpaz komandalardyń barlyǵyna arnaıy syılyqtar berilip, dıplommen marapattaldy. Sondaı-aq, bilim saıysyna qatysqan basqa komandalarǵa da yntalandyrý syılyǵy berildi.
Jıyn sońynda Erbolat Nuryldauly jastardyń bilimin jetildirý maqsatynda ótken ıgi is-sharaǵa atsalysýshy kisilerge alǵys hattar tabystalyp, izgi tilegin bildirdi.
Sýretter toptamasyn «FOTOGALEREIa» aıdarynan kóre alasyzdar!
Источник: Aidos
