«Berekeli otbasy» respýblıkalyq baıqaýy jarııalandy

BAIQAÝ EREJESI

1. Jalpy málimet
   • «Berekeli otbasy» atty baıqaý (ary qaraı – Baıqaý) Respýblıkalyq ashyq otbasylyq baıqaý bolyp sanalady;
   • Baıqaý úsh týrdan turady;
   • Baıqaý 2020 jyldyń 9 jáne 30 sáýir aralyǵynda ótedi.

2. Baıqaýdyń maqsaty men mindetteri:
   • Otbasylyq qundylyqtardy nasıhattaý;
   • Dástúrimiz ben mádenıetimizdiń dińgegi bolǵan asyl dinimizdiń qundylyqtaryn nasıhattaý;
   • Qasıetti Ramazan aıyna daıyndyq.

3. Baıqaýǵa qatysý talaptary:
   • Baıqaýǵa Qazaqstan aýmaǵynda turatyn kez-kelgen otbasy qatysa alady;
   • Baıqaýǵa qatysýǵa nıetti ár otbasy QMDB-nyń muftyat.kz resmı saıtyndaǵy baıqaý erejesimen tanysyp, osy jyldyń 17 sáýirine deıin berekeli-otbasy@mail.ru poshtasyna jazbasha ótinim joldaýy qajet (ótinimdi júkteý).
   • Sondaı-aq, erejeniń 4-tarmaǵyna sáıkes I, II, III týrǵa qatysatyn otbasylyq eńbekterin osy jyldyń 17 sáýirine deıin otbasy múshesiniń bir ınstagram paraqshasyna ǵana júktelýi kerek;
   • 17-30 sáýir aralyǵynda ár otbasynyń óz paraqshalaryna #berekeliOtbasy hEsh-tegimen jáne @muftiyatkz tEgimen júktelgen materıaldary kórermen nazaryna usynylady, eń kóp laık jınaǵan otbasy jeńimpaz atanady.

4. Baıqaýdyń ótý tártibi:

I-týr – «Meniń otbasym»:

• Otbasy músheleriniń shyǵarmashylyq qabiletin paıdalanyp, aýyzsha, óleń túrinde nemese ulttyq aspaptarmen súıemeldengen 2-3 mınýttyq vıdeo arqyly ózderin, otbasynyń erekshelikterin tanystyryp, ınstagramǵa #berekeliOtbasy1týr hEsh-tegimen jáne @muftiyatkz tEgimen júkteıdi;
• «Berekeli otbasy» taqyrybynda otbasynyń ortaq bir sýretimen otbasy qundylyǵy men shattyǵy týraly post jazyp, jarııalap, #berekeliOtbasy1týr hEsh-tegimen jáne @muftiyatkz tEgimen ınstagram paraqshasyna júkteıdi.

II-týr – Úı tapsyrmasy:

• Otbasy atynan balanyń qolymen «Bizdiń súıikti meshitimiz» atty sýret salyp, qysqasha sıpattamasyn (qaı jerde ornalasqan, neshe adamdyq, aptasyna neshe ret baryp turasyzdar, osy meshitpen qandaı qyzyqty sátter baılanystyrady t.b) jazyp, #berekeliOtbasy2týr hEsh-tegimen jáne @muftiyatkz tEgimen ınstagramǵa júkteıdi;
• Otbasy músheleriniń Abaı Qunanbaıulynyń óleńderinen kezektesip úzindi oqý kórinisin (2-3 mınýttyq vıdeo) #berekeliOtbasy2týr hEsh-tegimen jáne @muftiyatkz tEgimen ınstagramǵa júkteıdi;

III-týr – Berekeli Ramazan:

• Otbasy músheleriniń shyǵarmashylyq qabiletin paıdalanyp, aýyzsha, óleń túrinde nemese ulttyq aspaptardyń súıemeldeýimen «Jarapazan» aıtyp (2-3 mınýttyq vıdeo) #berekeliOtbasy3týr hEsh-tegimen jáne @muftiyatkz tEgimen ınstagramǵa júkteıdi.

5. Jeńimpazdardy anyqtaý jáne marapattaý:
   • Otbasy músheleriniń ınstagram paraqshasyna júktelgen eńbekteriniń kórermender kózaıymyna ıe bolyp, eń kóp laık jınaǵan qatysýshy otbasy jeńimpaz bolyp tabylady;
   • I oryn alǵan otbasyǵa (4 adamǵa) otandyq shıpajaıǵa joldama;
   • II oryn alǵan otbasyǵa tońazytqysh;
   • III oryn alǵan otbasyǵa úlken plazmalyq teledıdar;
   • Sondaı-aq, 5 otbasyǵa yntalandyrý syılyǵy beriledi.

6. Qosymsha málimetter alý úshin
   • +7 (7172) 999-866, berekeli-otbasy@mail.ru.