Bas múftı jańa kitaptyń tanytymyna qatysty (FOTO+VIDEO)

Qazaqstan musylmandary dinı basqarmasynyń Astanadaǵy jańa ǵımaratynda «Allaǵa ıman», «Perishtelerge ıman», «Aqyretke ıman», «Qazirgi senim máseleleri» atty jańa kitaptardyń tanytymy bolyp ótti. Atalmysh týyndylar QMDB-nyń tóraǵasy, Bas múftı Serikbaı qajy Orazdyń bastamasymen jaryq kórdi. Is-sharaǵa Túrkııa Respýblıkasy elshiliginiń Din máseleleri jónindegi keńesshisi Galıp Akyn jáne QMDB janyndaǵy Ǵulamalar keńesiniń HHI májilisine jınalǵan din qaıratkerleri qatysty.

Bas múftı Serikbaı qajy Oraz Dinı basqarmada kóptegen mańyzdy kitaptardyń shyǵyp jatqandyǵyn, solardyń ishinde qasıetti Quran Kárimniń qazaq tiline aýdarylyp, taratylǵanyn atap ótti.

Sonymen qatar, búgin tanytymy ótken jańa kitaptardyń baspadan shyǵýyna uıytqy bolǵan Túrkııanyń Din isteri jónindegi basqarmasyna aıryqsha alǵysyn jetkizip, aldaǵy ýaqytta musylman jurtshylyǵy úshin taǵy da paıdaly eńbekter shyǵatyndyǵyn tilge tıek etti.