BAS MÚFTI «TÓLE BI» MEShITINDE JUMA ÝAǴYZYN AITTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna jumys sapary barysynda «Tóle bı» meshitinde juma ýaǵyzyn aıtty.

«Taǵdyrǵa razylyq tanytý» taqyrybynda ýaǵyz aıtqan Bas múftı: «Asyl dinimizde ımannyń jeti sharty bar. Biz ony «Ámántý» dep ataımyz. Hakim Abaıdyń «Ámántý oqymaǵan kisi bar ma? Ýá kýtýbıhı degenmen isi bar ma?» dep aıtatyny sondyqtan bolsa kerek.

Taǵdyr degenimiz ne? Taǵdyr arab tilinde «qadar» degen sózden shyqqan. «Ólsheý, bir nárseni belgili bir ólshem boıynsha jaratý, belgileý» degen maǵynany bildiredi. Al, sha­rı­ǵat­ termıni boıynsha Alla Taǵalanyń áý ba­sta bolatyn bar­lyq nárseni ja­rat­pa­stan bu­ryn shek­siz ili­mi ar­qy­ly eg­jeı-teg­jeıine deıin bilýin jáne olardy bel­gi­li bir ól­shem­ge qa­raı retteýin, júıe­leýin, arnaıy bel­gi­leýin «taǵ­dyr» deı­miz.

Taǵdyr – osy álemdi jáne onyń ishindegi san alýan túrli jaratylys ıelerin belgili bir júıe men tártip boıynsha basqaratyn ıláhı zańdylyq. Jer betindegi kúlli maqluqattyń bolmys-bitimi Jaratqannyń belgili bir tártibimen ólshenip qoıylǵan» dedi.

QMDB Tóraǵasy juma namazynan keıin meshit jamaǵatymen birge el amandyǵy men tynyshtyǵy úshin duǵa jasady.