BAS MÚFTI «TALABA» QAÝYMDASTYǴYNYŃ ShÁKIRTTERIMEN KEZDESTI
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkııa Respýblıkasyna sapary barysynda Ystambul qalasynda bilim alyp jatqan múftııatqa qarasty «Talaba» qaýymdastyǵynyń shákirtterimen kezdesti.
Stýdentterge Dinı basqarma atynan arnaıy dastarqan jaıylyp, Bas múftı nasıhat aıtty. Naýryzbaı qajy Taǵanuly shákirtterdiń bilim jolyndaǵy talpynystaryna bereke, denderine saýlyq tiledi ári elden jyraq júrgendikten túrli saıası, dinı toptardan saq júrýge keńes berdi. Al Túrkııaǵa barǵan QMDB delegattary Strategııalyq taldaý jáne damý bóliminiń meńgerýshisi Smaıyl Seıtbekov pen Halyqaralyq baılanys jáne hattama bóliminiń meńgerýshisi Marat Dálelhanuly dinı bilim alýmen qatar ımamdyq qyzmettegi tájirıbesin bólisti.
Sondaı-aq Dinı basqarmanyń Túrkııadaǵy ókili Abdýrashıd Qarabaev pen «Talaba» qaýymdastyǵynyń Ystambul qalasyndaǵy ókili Abdýlla Smanov qaýymdastyqtyń buǵan deıin atqarǵan jumystary jáne josparlaryn tilge tıek etti.
