Bas múftı: «Shákirtterimiz shetelde bilim alýǵa táýeldi emes» (FOTO)

QMDB ortalyq apparatynda Respýblıkalyq aqparattyq nasıhat tobynyń jalpy jınalysy ótti. Jıyn barysynda RANT músheligine úmitker din qyzmetkerleri test tapsyryp, emtıhan suraqtaryna jaýap berdi.

Byltyr RANT quramynda 28 maman jumys istep, elimizdiń túkpir-túkpirinde 250-ge jýyq jalpy kezdesý ótse, 150 jeke kezdesýler ótken. QMDB tóraǵasy, bas múftı Serikbaı qajy Orazdyń aıtýynsha, bıyldan bastap RANT múshelerin eki esege arttyrý josparda bar.

«Qazir elimizdiń din salasyn otandyq mamandarmen tolyq qamtamasyz etip otyrmyz ári shetelde bilim jetildirýge táýeldi emespiz. Óıtkeni, irgeli bilim ordasy «Nur-Múbárak» ýnıversıtetinde 1300-den astam, barlyq medrese-kolledjderde 2000-ǵa jýyq shákirt tárbıelenip jatyr. Memlekettiń qoldaýymen shákirtterimiz medreseden keıin bakalavr, magıstratýra, doktorantýrada oqýǵa múmkindik alyp otyr. Sonyń nátıjesinde RANT músheleriniń qataryn eki esege arttyrý oıda bar, maman tapshylyǵy joq», — deıdi ol.