Bas múftı Quran hatym duǵasyn jasady (FOTO)

Búgin, 13 shilde – Jalpyulttyq aza tutý kúnine oraı elimizdiń barlyq meshitterinde Qasıetti Quran oqylyp, hatym duǵasy jasaldy. QMDB tóraǵasy, Bas múftı Naýryzbaı qajy Taǵanulynyń bastamasymen elimizdegi respýblıkalyq, oblystyq iri-iri meshitterde jáne medreselerde, qarılar daıarlaý ortalyqtarynda búgin bir mezette Quran hatym jasalyp, indetten kóz jumǵan marqumdar rýhyna duǵa baǵyshtaldy.

Osy oraıda Bas múftı Naýryzbaı qajy Taǵanuly respýblıkalyq «Áziret Sultan» meshitindegi «Onlaın Quran hatymǵa» qatysyp, hatym duǵasyn jasady. El basyna kún týǵan qysyltaıań shaqta Jaratýshy Iemizden járdem surap, pana tilegen Bas múftı duǵasy áleýmettik jeliler arqyly tikeleı Efırde kórsetildi. 

Quran aıattarynan bolǵan saýapty juqpaly dertten qaıtys bolǵan marqumdar rýhyna baǵyshtap, artynda qalǵan jaqyndaryna sabyr men shydam, tózim tiledi. Elimiz ben jerimizge amandyq berip, halqymyzdy qaterli indetten saqtaýyn surady. Sondaı-aq, qıyn kezeńde el azamattaryn birlikte jumyla jumys isteýge shaqyrdy.

Sýretterdi «FOTOGALEREIa» aıdarynan kóre alasyzdar!