Bas múftı QMDB qyzmetkerleri men ókil ımamdarǵa alǵys jarııalady
Qazaqstan musylmandary dinı basqarmasynyń tóraǵasy Serikbaı qajy Oraz naıb múftılerge, Apparat jetekshisine, bólim meńgerýshileri men ókil ımamdarǵa alǵys jarııalady.
«Qurban aıt – musylman úmbetiniń uly meıramy. Aıtýly kúndi laıyqty túrde atap ótý, merekelik is-sharalar men qaıyrymdylyq aktsııalardy uıymdastyrý – din qyzmetkerine úlken jaýapkershilik júkteıdi. Allaǵa shúkir, osy jylǵy qasıetti Qurban aıt qarsańynda josparlanǵan sharalar joǵary deńgeıde júzege asty. Aqparattyq nasıhat, qaıyrymdylyq, uıymdastyrý-úılestirý, t.b. baǵyttar boıynsha tapsyrmalar tııanaqty oryndaldy. Sizder bul iste yjdahattylyq pen janashyrlyq tanyttyńyzdar. Óz atymnan barshańyzǵa aıryqsha alǵysym men rııasyz rızashylyǵymdy jetkizemin. Alla razy bolsyn!
Jaratýshy Iemiz izgi ister men ıgi sharalarda bas qosyp, dinniń qamynda, eldiń bolashaǵy jolynda aıanbaı eńbek ete berýdi násip etkeı! Otbasylaryńyzǵa amandyq, qyzmetterińizge bereke tileımin!» – delingen Bas múftıdiń alǵys hatynda.
