BAS MÚFTI QADIR TÚNINDE HATYM DUǴASYN JASADY (FOTO)

Búgin – Jaratýshy Iemizdiń ózi «myń aıdan da qaıyrly» dep ulyqtaǵan qasıetti Qadir túni. Teńdessiz túnniń meıiriminen úmit etken musylman úmmeti bul túndi meılinshe meshitte ótkizip, jamaǵatpen birge namaz oqyp, az ýaqytty rýhanııatqa sýsyndap ótkizýdi kózdeıdi. Bul túni elimizdegi qulshylyq ordalary jamaǵatqa lyq tolady.

QMDB Tóraǵasy, Bas múftı Naýryzbaı qajy Taǵanuly bul túndi Nur-Sultan qalasyndaǵy respýblıkalyq «Áziret Sultan» meshitiniń jamaǵatymen birge ótkizip, jıylǵan jurtshylyqty qasıetti Qadir túnimen quttyqtady. Quptan namazy aldynda jamaǵatqa qasıetti Qadir túni jaıly ýaǵyz aıtyp, búgingi túnniń artyqshylyǵyn baıandady.   Quran hatym duǵasyn jasap, elimiz  ben jerimiz úshin Jaratqannan jarylqaý tiledi.

Aıta ketsek, bas meshittegi Qadir túngi qulshylyq-ǵıbadatqa QR premer-mınıstriniń orynbasary Eraly Luqpanuly men qala ákimi Altaı Seıdiruly qatysyp, elorda jurtshylyǵyna izgi lebizderin bildirdi.