BAS MÚFTI NUR-MÚBARAK UJYMYNA JAŃA REKTORDY TANYSTYRDY

Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Nur-Múbarak ýnıversıtetiniń ujymyna jańadan taǵaıyndalǵan rektor, ál-Azhar ýnıversıtetiniń professory Ahmad Hýseın Mýhammad Ibrahımdi bilim ordasynyń ujymyna resmı túrde tanystyrdy.

Saltanatty sharaǵa Mádenıet jáne Aqparat vıtse-mınıstri Qanat Ysqaqov arnaıy qatysty. Bas múftı Naýryzbaı qajy Taǵanuly jańadan qyzmetke kelgen rektordy quttyqtap:

«Bul oqý ordasy Qazaqstan men Mysyr Arab Respýblıkasynyń tarıhı ári rýhanı baılanysynyń nátıjesinde qurylǵan. Shırek ǵasyrǵa jýyq tarıhy bar elimizdegi biregeı dinı bilim ordasy retinde Nur-Múbarak ýnıversıtetine artylatyn úmit úlken. Osy oraıda sizdi ózińizge júktelgen mindetti sezinip, Nur-Múbarak ýnıversıteti jumys protsesiniń odan ary damyp, bilim sapasynyń jetilýine aıanbaı qyzmet etedi degen senimdemin. Jaýapty hám saýapty qyzmetińizge sáttilik pen bereke tileımin» dedi.

Al óz kezeginde Ahmad Hýseın Mýhammad: «Men osy senimdi aqtaý úshin bar kúshimdi salyp bilim berý isinde de mańyzdy jumys atqaramyn» dep atap ótti.

​