Bas múftı mektep bitirýshi túlekterge nasıhat aıtty (FOTO+VIDEO)

26 mamyr 2022 3744 0 Оqý rejımi

Búgin Nur-Sultan qalasyndaǵy respýblıkalyq «Áziret Sultan» meshitinde mektep bitirgen oqýshylarǵa arnalǵan «Jolyń bolsyn, jas túlek» atty merekelik shara uıymdastyryldy. Qalalyq bilim basqarmasynyń qoldaýymen sharaǵa 3 000-ǵa túlek qatysyp, el aǵalarynyń nasıhatyn tyńdap, batasyn aldy.

Mektep qabyrǵasynan túlep ushyp, úlken ómirge qanat qaqqaly turǵan jas túlekterge QMDB tóraǵasy, Bas múftı Naýryzbaı qajy Taǵanuly nasıhat aıtyp, izgi tilegin bildirdi. Bilimniń paıdasy jaıly oı qozǵap, táýelsiz elimizdiń bolashaǵy – bilimdi jastar qolynda ekenin eskertti. Sondaı-aq, ómirdegi túrli sátsizdikter men qıyndyq sońynan jaqsylyq baryn uǵyndyryp, jastardy jigerlendire tústi.

Úlken ómirge degen alǵashqy qadamdaryn Allanyń úıinen bastap, úlkenderdiń aq batasyn alýǵa asyqqan jas túlekterge belgili qoǵam qaıratkeri, respýblıkalyq Ardagerler keńesiniń tóraǵasy Ómirzaq Ozǵanbaev, Din isteri basqarmasynyń basshysy Nurdáýlet Álmuqanovtar da nasıhat aıtyp, óz quttyqtaýlaryn bildirdi.

Shara sońynda qasıetti Quran aıattary oqylyp, Bas múftı Naýryzbaı qajy Taǵanuly jas túlekterge aq batasyn berdi.

Sýretterdi «FOTOGALEREIa» aıdarynan kóre alasyzdar!