BAS MÚFTI: «MARQUM BOLǴAN DIN QYZMETKERLERINIŃ ESIMI ÁRDAIYM JADYMYZDA QALADY»

Búgin, qasıetti juma kúni el meshitterinde halqymyzdyń rýhanııatyna ólsheýsiz úles qosqan marqum bolǵan din qyzmetkerlerin eske alýǵa arnalǵan Quran hatym sharasy ótti.

Astanadaǵy «Áziret Sultan» meshitinde Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly bul ıgi iske oraı juma namazy aldynda jamaǵatqa nasıhat aıtty.

«Qurmetti jamaǵat! Bıyl Qazaqstan musylmandary dinı basqarmasy óziniń 35 jyldyq mereıtoıyn atap ótýde. Osy jyldar ishinde ımam-molda aǵalarymyz, ulaǵatty ustazdarymyz din salasynda eleýli eńbek etti. Sol kisilerdiń yqylasy men yjdaǵatynyń arqasynda biz dinimiz ben senimimizdi saqtap qaldyq. Qala-aýyldarymyzda meshitter boı kóterip, dástúrimiz jańǵyrdy» dedi Bas múftı.

Naýryzbaı qajy Taǵanuly elimizdiń ár óńirinde qyzmet etken marqum din qyzmetkerleriniń esimderin atap, olardyń elge, dinge sińirgen eńbegin erekshe atap ótti.

Aıta keteıik, juma kúni respýblıka boıynsha 652 Quran hatym oqylyp, marqum bolǵan din qyzmetkerleriniń rýhyna baǵyshtaldy. Bas múftıdiń tapsyrmasymen bul ıgi shara elimizdiń barlyq oblystyq ortalyq meshitterinde ótkizildi. Sondaı-aq, marqumdardyń jaqyn týystaryna QMDB atynan qurmet kórsetilip, syı-sııapat tabystaldy.

Alla Taǵala marqum ımamdarymyz ben ustazdarymyzǵa raqym etip, jumaqtan oryn bergeı! Ámın!