Bas múftı Kýba elshisin qabyldady (FOTO)
Astanada Qazaqstan musylmandary dinı basqarmasynyń tóraǵasy Serikbaı qajy Oraz Kýba Respýblıkasynyń elimizdegi Tótenshe jáne Ókiletti elshisi Emılıo Pevıda Pýpo myrzany óz ótinishi boıynsha qabyldady.
Kezdesýde Qazaqstan men Kýba Respýblıkasy arasyndaǵy qarym-qatynas sóz boldy. Dıplomat Bas múftıge Kýba halqynyń mádenı, rýhanı ómiri jaıly baıandap berdi.
«Bizdiń qoǵamnyń basty qundylyǵy – halyqtar arasyndaǵy birlik. Birligimiz ben yntymaǵymyzdyń arqasynda kóptegen ıgilikter men jetistikterge jettik. Bizdiń elde Elbasynyń bastamasymen ár úsh jyl saıyn Álemdik jáne dástúrli din kóshbasshylarynyń sezi ótedi. Jer, álem, meken – bárimizge ortaq. Sondyqtan, kez kelgen ult pen din ókiliniń tatýlyqta ómir súrýi mańyzdy másele», – dep atap ótti Serikbaı qajy Oraz.
Basqosý sońynda Emılıo Pevıda Pýpo arnaıy qabyldap, suhbattasýǵa kelisim bergen Bas múftıge alǵysy men jyly lebizin bildirdi.
