Bas múftı Kaırde dinı basqarmanyń jaýapty ókilin taǵaıyndady

as múftı Naýryzbaı qajy Taǵanuly Mysyr Arab Respýblıkasyna jasaǵan saparynda Qazaqstan musylmandary dinı basqarmasynyń jaýapty ókilin taǵaıyndady.

«Serǵazıev Rýslan Amantursynuly Mysyr Arab Respýblıkasynyń dinı oqý oryndarynda oqıtyn qazaqstandyq  stýdentterge Qazaqstan musylmandary dinı basqarmasy tarapynan jaýapty ókil bolyp taǵaıyndalsyn» delingen Bas múftı buıryǵynda.

Naýryzbaı qajy Taǵanuly ál-Azhar ýnıversıtetiniń sheıhy, Bas ımam Ahmet Taıyppen kezdesýde jaýapty ókil Rýslan Serǵazıevti tanystyryp, ýnıversıtet tarapynan qoldaý kórsetý qajettigin jetkizdi. Ahmet Taıyp Bas múftı usynysyn qoldaıtynyn aıtty.

Aıta ketsek, jaýapty ókil Dinı basqarma janynan ashylǵan «Talaba» qaýymdastyǵynyń jumysyn úılestirip, dinı bilim alyp jatqan qazaqstandyq stýdentterdiń áleýmettik máselesin sheshýge yqpal etedi. Sonymen qatar stýdentter arasynda durys dinı kózqaras qalyptastyrýǵa atsalysady.

Búginde «Talaba» qaýymdastyǵyna Kaırde oqyp jatqan 134 stýdent múshelikke qabyldanǵan.