BAS MÚFTI «IMANI JAZ 2022» ShARASYNYŃ AShYLÝYNA QATYSTY (FOTO)

Búgin, 1-maýsym – Halyqaralyq Balalardy qorǵaý kúni merekesine oraı QMDB bastamasymen elimizdegi meshitterde «Imanı jaz 2022» jazǵy saýat ashý kýrstary óz jumysyn bastady. Mektep oqýshylarynyń jazǵy demalysyn paıdaly ótkizý maqsatynda jyl saıyn uıymdastyrylyp kele jatqan bul joba aıasynda bıylǵy jyly el boıynsha 50 000-ǵa jýyq oqýshy Quran álippesimen tanysyp, ádep jáne ımandylyq dáristerimen sýsyndaıtyn bolmaq.

QMDB tóraǵasy, Bas múftı Naýryzbaı qajy Taǵanuly búgin Nur-Sultan qalasyndaǵy «Áziret Sultan» meshitine kelip, «Imanı jaz 2022» jazǵy saýat ashý kýrsynyń ashylý saltanatyna qatysty. 

Jazǵy saýat ashý kýrsyna qabyldanǵan Nurbolat esimdi balaqaıdyń Quran oqýymen ashylǵan saltanatty shara aıasynda Naýryzbaı qajy Taǵanuly búldirshindi merekemen quttyqtap, aq tilegin bildirdi. «Imanı jaz» jazǵy saýat ashý kýrsynyń mańyzdylyǵyna toqtalyp, jas jetkinshekterdiń meshit qabyrǵasynda dinı bilim ǵana emes, ádep-tárbıe dáristeri, bala sanasyn damytýǵa arnalǵan túrli oıyndar, ımandylyq, salt-dástúr sabaqtaryna qatysyp, jan-jaqty damı túsetinin jetkizdi.

Merekelik sharaǵa Nur-Sultan qalasy ákimdiginiń Din isteri basqarmasynyń basshysy Nurdaýlet Imanáliuly da arnaıy qatysyp, jazǵy saýat ashý kýrsynyń jańa tárbıelenýshilerine quttyqtaý lebizin bildirdi. Aıta keteıik, bıylǵy jyly «Áziret Sultan» meshitindegi «Imanı jaz» kýrsyna 500 oqýshy qabyldanyp otyr.

Shara aıasynda meshit bas ımamy Erbolat Júsipov jazǵy saýat ashý kýrsynyń oqý baǵdarlamasymen tanystyryp, «Imandylyq álippesi», «Quran álippesi» jáne «Tárbıe dáristeri» kitapshalaryn tabystady.

Balalar kúnine oraılastyrylǵan «Imanı jaz 2022» jobasy budan ári meshit aýlasynda merekelik baǵdarlamaǵa ulasty. Merekelik kóńil-kúı syılaý maqsatynda arnaıy batýt qurylyp, baldyrǵandarǵa tegin balmuzdaq taratyldy. Buǵan qosa, arnaıy kıimdegi aıýlar da búldirshinderdi merekeni umytpastaı ótkizýge óz úlesterin qosty.

Sýretterdi «FOTOGALEREIa» aıdarynan kóre alasyzdar!