Bas múftı emhananyń ashylýyna qatysty (FOTO)

QMDB Tóraǵasy, Bas múftı Naýryzbaı qajy Taǵanuly Túrkistan oblysy Saıram aýdany Arys aýylynda salynǵan ambýlatorııalyq-emhananyń ashylýyna qatysty.

Bas múftı Naýryzbaı qajy Taǵanuly álemge dúrbeleń salǵan indettiń aldyn alý barysynda emhananyń jáne qajetti dári-dármektiń bolýy asa qajet ekendigine toqtaldy. Sondaı-aq emhananyń aǵa dárigeri Nýralı Iaqýpovqa ǵımarat kiltin tabys etip, qaıyrymdy hám erikti jandardyń kómegimen ashylyp otyrǵan ambýlatorııalyq-emhananyń orny erekshe ekendigin atap ótti.

Aıta keteıik, bul emhanaǵa 2430 adam tirkelgen. Olarǵa medıtsınalyq alǵashqy kómek kórsetiledi. Emhanada 5 dáriger jumys jasaıdy.

Ambýlatorııalyq-emhana qurylysy Túrkistan oblysynyń bas ımamy Musabek Aqtamberdiniń uıytqy bolýymen Saıram aýdany Arys aýyldyq meshitiniń erikti jamaǵatynyń kómegimen salynyp, paıdalanýǵa berildi.