Bas múftı elordalyq qajylardy qasıetti saparǵa shyǵaryp saldy (FOTO)

Asyl dinimizdegi bes paryzdyń biri – qasıetti qajylyq saparyn óteýge attanǵan elordalyq qajylardyń sońǵy legi Nur-Sultan áýejaıynan ushyp shyqty. Qasıetti mekenge bet alǵan qajylarymyzdy shyǵaryp salý rásimine QMDB Tóraǵasy, Bas múftı Naýryzbaı qajy Taǵanuly arnaıy qatysyp, aq jol tiledi.

Qazaqy dástúrge saı qajylarǵa qurmet kórsetý maqsatynda uıymdastyrylǵan is-sharaǵa Nur-Sultan qalasy din isteri basqarmasynyń basshysy Nurdáýlet Imanáliuly, Saýd Arabııa Koroldiginiń Islam isteri jónindegi jaýapty ókili Abdýl Hodır Nızar jáne «Nazarbaev» halyqaralyq áýejaıynyń tóraǵasy Ǵabıt Qalıuly qatysyp, izgi tilegin bildirdi.

Qasıetti Quran aıattarymen ashylǵan saýapty shara aıasynda Bas múftı Naýryzbaı qajy Taǵanuly qajylyq paryzyn óteýge attanyp bara jatqan otandastyrymyzǵa ulyq sapar qajylyqtyń hıkmeti jáne Arafa taýynda atqarylatyn amaldar jaıly aıtyp, qasıetti mekende elimiz ben jerimiz úshin de duǵa jasaýǵa shaqyrdy.

​