Bas múftı Elorda jamaǵatyna juma ýaǵyzyn aıtty (FOTO)

Búgin QMDB Tóraǵasy, Bas múftı Naýryzbaı qajy Taǵanuly elordadaǵy respýblıkalyq «Áziret Sultan» meshitinde juma ýaǵyzyn júrgizdi.

«Namaz oqýdyń saýaby men dárejesi» taqyrybynda aıtylǵan ýaǵyzda Bas múftı dinniń tiregi, qulshylyqtyń máıegi bolǵan namaz jóninde keńinen tarqatyp aıtty.

«Namaz – Islamnyń bes paryzynyń biri ári qulshylyqtyń eń abzaly. Jaratýshymyz Alla Taǵala qasıetti Quranyń 87 jerinde namaz oqýdy buıyryp, onyń adam balasy úshin mańyzdylyǵyna erekshe nazar aýdarǵan. Ardaqty Paıǵambarymyz (oǵan Allanyń salaýaty men sálemi bolsyn) namazdy «Dinniń tiregi», «Múmınniń mıǵrajy», «Jumaqtyń kilti», «Kózimniń nury» dep túrli ataýlarmen ataǵan. Bunyń barlyǵy – namaz oqýdyń qanshalyqty mańyzdy ekendiginiń kórinisi», – dedi QMDB Tóraǵasy.

Ýaǵyzdan soń Bas múftı Naýryzbaı qajy Taǵanuly jamaǵatpen birge juma namazyn oqyp, el amandyǵy men álemniń tynyshtyǵy, musylmandardyń yntymaǵy úshin duǵa jasady.