BAS MÚFTI DÚNIEJÚZILIK ISLAM LIGASYNYŃ ÓKILIMEN KEZDESTI
Búgin QMDB Tóraǵasy, Bas múftı Naýryzbaı qajy Taǵanuly Islam Lıgasy Bas hatshysynyń halyqaralyq ister jónindegi ókili Ábdel Ázız ben Ahmad Sarhan myrzamen kezdesti.
Kezdesýde ekijaqty yntymaqtastyqty arttyrý máseleleri sóz boldy. Taraptar álemdik syn-qaterlerge ún qatýdyń mańyzyn talqylap, musylman úmbetiniń aýyzbirshiligin nyǵaıtý jóninde pikir almasty.
Mártebeli meıman Qazaqstan Respýblıkasynyń bastamasymen ár úsh jyl saıyn ótetin Álemdik jáne dástúrli din lıderleri seziniń dúnıejúzi halqyn birlikke úndegen bastamasyn qoldaıtynyn, sonymen qatar adamdar arasyndaǵy tatýlyq pen dostyqty arttyrý ózekti máseleniń biri ekenin atap ótti.
Bas múftı Qazaqstan musylmandary dinı basqarmasynyń uıymdastyrýymen jaqynda ótken Túrki memleketteri uıymy Múftıler alqasynyń kezekti jıyny jaıly, onda kóterilgen máseleler týraly tilge tıek etti. Qazirgi ýaqytta din lıderleriniń qoǵamdyq turaqtylyq pen tynyshtyqqa qosar úlesiniń zor ekenin aıryqsha atap ótti.
Kezdesý sońynda taraptar ekijaqty yntymaqtastyqty arttyrýǵa ýaǵdalasty.
