Bas múftı: Birligimiz ben berekemiz baıandy bolǵaı!
Qurmetti otandastar!
Bizdiń elimiz mamyrdyń alǵashqy kúninde Qazaqstan halyqtarynyń birligi merekesin aıryqsha atap ótedi. Bul mereke kúniniń mańyzy aıryqsha. Adamzat tarıhynan qaı elde birlik joǵalsa, sol jerde jeńilis bolǵanyn bilemiz. Baqyt pen bereke yntymaqqa uıysqan elde ǵana baıandy bolady. Jaratýshy Jabbar Iemiz qasıetti Quranda barsha adamzat balasyna:
«Allanyń jibinen myqtap ustańdar, ajyrap bólinbeńder» («Álı Imran» súresi, 103-aıat), – dep buıyrǵan.
Bizdiń jas táýelsiz elimiz alys-jaqynnyń arasyn jarastyryp, dini bólek dinı kóshbasshylardy bir dóńgelek ústel basyna biriktirgen bitimger memleketke aınaldy. Qazirgi qoǵamda qalyptasqan ózara qurmet pen syılastyqty nyǵaıta túsý úshin barsha azamatqa úlken jaýapkershilik artylady.
Qadirli qaýym!
1-mamyr – birlik merekesi qutty bolsyn! Alla Taǵala birligimiz ben berekemizdi baıandy etkeı! Táýelsizdigimiz tuǵyrly, halqymyz ǵumyrly bolǵaı! Ámın!
Serikbaı qajy ORAZ,
Qazaqstan musylmandary dinı basqarmasynyń tóraǵasy, Bas múftı
