Bas múftı bas júlde ıegerine kólik kiltin tabystady (FOTO)
Búgin Almatydaǵy «Alataý» dástúrli óner teatrynda Qazaqstan musylmandary dinı basqarmasy uıymdastyrǵan VIII Respýblıkalyq Quran jarysy júldegerlerin marapattaý rýhanı keshi ótti.
Din janashyrlary men demeýshilerdiń qarjylaı qoldaýymen ótken júlde qory 16 mln. teńgeni quraıtyn saıysqa respýblıka boıynsha 558 qarı qatysty. Tórt baǵyt boıynsha baq synasqan qarılar Qurannyń 10 parasyn, 20 parasyn, qasıetti kitapty tolyq (30 para) jatqa aıtýdyn jáne Qurandy mánerlep oqýdan jarysty.
Igi is-sharada sóz alǵan Bas múftı Serikbaı qajy Satybaldyuly:
«Alla Taǵala qasıetti Quranda: «… Allanyń sheksiz raqymyna bólenemiz deseńder, Quran oqylǵanda, oǵan qulaq túrip, únsiz tyńdańdar!» deıdi. Qurandy tyńdaýdyń ózi úlken saýap. Quran sekildi eshqandaı kitap jatqa oqylyp, nasıhattalmaıdy. Quran oqylǵan, oǵan amal etilgen úıde, elde tynyshtyq ornaıdy, Allanyń bereketi bolady. Qurandy kóp oqyǵan adamnyń Alla aldynda dárejesi artady», – dep, kesh qonaqtaryna qasıetti Qurannyń mańyzyn jetkizdi. Izgi iske atsalysqan barsha azamattarǵa, ádil qazy alqasyna, qatysýshy qarılarǵa alǵysyn bildirdi.
«Aqorda» respýblıkalyq qozǵalysynyń tóraǵa orynbasary Qanat Janatuly jáne Almaty qalasy, Din ister jónindegi basqarma basshysy Aıdar Esenbekovter de aqjarma tilekterin bildirip, quttyqtaý sózderin arnady. Igi sharaǵa muryndyq bolǵan azamattarǵa alǵystaryn aıtty.
Rýhanı keshte Haziret Berdihan, Ergen Aıtymbetov, Raıym Ýaıys syndy ónerpazdar arnaý oryndap, ózderiniń asqaq án-kúıimen kórermenge rýhanı kóńil-kúı syılady. Sondaı-aq, Qurannyń hıkmetteri jaıly beınerolık kórsetilip, «Óner qyrandary» teatry halyq nazaryna Quran oqýdyń mańyzy jaıynda ǵıbratty qoıylym usyndy.
Quran baıqaýynyń júldegerlerine marapattaryn elimizge tanymal din jáne qoǵam qaıratkerleri tabystady.
4 baǵyt boıynsha baıqaý júldegerleriniń kórsetkishi mynadaı:
30 para Qurandy tolyq jatqa oqý boıynsha:
- Bas júlde – Saqı Sateshov (19 jasta, Mańǵystaý) – Avtokólik
- II oryn – Nurmuhamed Lırov (18 jasta, Jambyl) – 2 mln. tg
- III oryn – Salamat Qarataev (27 jasta, Almaty) – 1,5 mln. tg
20 para Qurandy jatqa oqý boıynsha:
- I oryn – Qýanysh Toqsanuly Abıshev (29 jasta, Almaty) – 1,5 mln. tg
- II oryn – Nıǵmatýlla Savranbekuly Abdazımov (12 jasta, Qyzylorda) – 1 mln. 250 myń tg.
- III oryn – Ahmadqoja Saıvalıuly Hakımov (17 jasta, SQO) – 1 mln. tg.
10 para Qurandy jatqa oqý boıynsha:
- I oryn – Nurtileý Serikuly Meıitqasym (6 jasta, Nur-Sultan) – 1 mln. tg.
- II oryn – Akmal Davranbekuly Rahımqulov (18 jasta, Túrkistan) – 750 myń tg.
- III oryn – Omar Baýyrjanuly Izgilik (11 jasta, Mańǵystaý) – 500 myń tg.
Qurandy mánerlep oqý boıynsha:
- I oryn – Qaınar Bazarqanuly Bazarqan (25 jasta, Almaty) – 500 myń tg.
- II oryn – Ulan Baǵdatuly Baltabaı (14 jasta, Atyraý) – 300 myń tg.
- III oryn – Baýyrjan Baqytjanuly Isabekov (26 jasta, Almaty óńiri) – 150 myń tg.
Sonymen qatar, jarys júldegerlerinen bólek Quran baıqaýyna qatysqany úshin 57 qarıdyń árbirine yntalandyrý retinde 50 myń teńgeden syıaqy berildi.
