Bas múftı – balalar úıinde: jyly sóz, syılyq, qýanysh... (foto)

Qazaqstan musylmandary dinı basqarmasynyń tóraǵasy Serikbaı qajy Oraz «2018 – Islam jáne otbasy jyly» aıasynda «№3 Shymkent balalar úıi» kommýnaldyq memlekettik mekemesinde boldy. Bas múftı balalar úıindegi jetkinshekterge jaqsy bilim alý, ádepti bolý, úlkendi syılaý syndy adamgershilik qundylyqtar týraly taǵylymdy dáris júrgizdi. Olarmen emen-jarqyn áńgimelesti. Jasóspirimder óz kezeginde múftıge óz ónerlerin pash etti. Jyly júzdi kezdesý sharasynda Bas múftı balalarǵa syılyq úlestirip, búldirshinderdiń bolashaǵy úshin duǵa jasady. QMDB Tóraǵasy Serikbaı Satybaldyuly «№3 Shymkent balalar úıi» kommýnaldyq memlekettik mekemesi ujymyna saýapty qyzmeti úshin alǵysyn jetkizip, izgi nıetin bildirdi. Múftııat tarapynan balalar úıine qashan da qoldaý kórsetile beretinin aıtty.