BAS MÚFTI «ÁZIRET SULTAN» MEShITINDE JUMA ÝAǴYZYN AITTY (FOTO)

Kúnderdiń sultany bolǵan qasıetti juma kúnin QMDB tóraǵasy, Bas múftı Naýryzbaı qajy Taǵanuly «Áziret Sultan» meshitiniń jamaǵatymen ótkizip, ustazǵa qurmet kórsetý taqyrybynda juma ýaǵyzyn aıtty.

Jańa bastalǵan oqý jylynyń berekeli bolýyn tilegen Bas múftı óz ýaǵyzynda bilim-ǵylymnyń paıdasy men artyqshylyǵyn, sol bilimdi úıretýshi ustaz tulǵasynyń qadir-qasıetine toqtaldy.

«Alty alashtyń ıgi jaqsysy bas qossa, tórdegi oryn – ustazdiki» dep arystarymyz aıtyp ketkendeı, ár adam ustazdaryna degen erekshe qurmet kórsetýi qajet. «Ǵalymdy syılaý – súnnetten» degen. Ustazdy qurmetteýge – onyń aldynda kishipeıildik tanytý, júrgende aldyna túspeý, esik ashyp birinshi kirgizý, jónsiz suraqtarmen mazalamaý, birinshi bolyp sálem berý sııaqty ister jatady», – dep, qarapaıym qaǵıdalardy túsindirýden bastaǵan Naýryzbaı qajy Taǵanuly jamaǵatqa ustaz mártebesi men kelbeti jaıynda keńinen tarqatyp aıtyp berdi.