BAS MÚFTI «ÁZIRET SULTAN» MEShITINDE TARAÝIH NAMAZYNA QATYSTY (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Astana qalasyndaǵy «Áziret Sultan» meshitinde taraýıh namazyna qatysyp, jamaǵatty qasıetti aıdyń kelýimen quttyqtady.

Sondaı-aq, jamaǵatqa Ramazan aıynyń qadir-qasıeti jaıly ýaǵyz-nasıhat aıtty. Qasıetti aıdyń musylmandar úshin erekshe máni bar ekenin atap ótip, orazanyń rýhanı tazalyqqa, sabyrlyqqa jáne meıirimdilikke jeteleıtinin jetkizdi. Jamaǵatty Ramazan aıynda kóbirek qulshylyq etip, jaqsylyq jasaýǵa, oraza ýaqytyn meılinshe mol kórkem amaldarmen ótkizýge shaqyrdy.

Taraýıh namazynan keıin jamaǵatpen birge elimizdiń amandyǵy men tynyshtyǵy, halqymyzdyń birligi men berekesi úshin kópshilikpen duǵa jasaldy.

Sýretterdi «FOTOGALEREIa» aıdarynan kóre alasyzdar!

Источник: Aidos