BAS MÚFTI ASTANADAǴY MÁÝLIT KEShINDE NASIHAT AITTY (FOTO)
Qazaqstan musylmandary dinı basqarmasynyń tóraǵasy, Naýryzbaı qajy Taǵanuly Astanadaǵy «Qazaqstan» kontsert zalynda ótken máýlit keshine qatysyp, jamaǵatqa ýaǵyz aıtty.
«Adamzattyń asyly paıǵambarymyz Muhammed (oǵan Allanyń salaýaty men sálemi bolsyn) – búkil adamzatqa úlgi bolǵan teńdessiz tulǵa. Al onyń súnnetin ustanǵan ata-babamyz ardaqty elshi dúnıe esigin ashqan aıdy qurmettegen, oǵan kóp salaýat aıtyp, máýlit jyryn oqyǵan. Buryn máýlit ár shańyraqta oqylsa, qazirgi kezde rýhanı keshter osyndaı záýlim ǵımarattarda Qazaqstan musylmandary dinı basqarmasynyń qoldaýymen uıymdastyrylyp keledi.
Paıǵambarymyzdyń (oǵan Allanyń salaýaty men sálemi bolsyn) esimi ulyqtalǵan jerde bereke bolady. Bir hadıste «Kim maǵan bir salaýat aıtsa, Alla Taǵala oǵan on salaýat aıtady» delingen. Demek, aınalamyz aman, ortamyz berekeli bolsyn desek, jyl on eki aıdyń barlyq kúninde de salaýat aıtýdy toqtatpaýymyz qajet. Alla Taǵala rýhanı, qaıyrymdylyq keshine basyp kelgen qadamdaryńyzǵa mol saýaptan jazsyn», – dedi Bas múftı.
Rýhanı keshte qasıetti Quran aıattary men máýlit jyry oqylyp, el amandyǵy úshin duǵa jasaldy. Sondaı-aq «Óner qyrandary» ardaqty Paıǵambarymyzdyń (oǵan Allanyń salaýaty men sálemi bolsyn) ómir joly men ósıetine negizdelgen qoıylymdarymen kópshiliktiń júregin eljiretse, tanymal aıtysker aqyn Dıdar Qamı Maılyqojanyń «Ata-ananyń qadiri» termesin oryndady. Budan bólek, jaqsylyqqa úndep, Paıǵambar (oǵan Allanyń salaýaty men sálemi bolsyn) súnnetin nasıhattaıtyn ánder shyrqalyp, kesh sońynda Astana qalasy men irgesindegi aýyldardyń turǵyndaryna tosynsyı jasaldy. Rýhanı keshtiń bıletterinen túsken qarjy qaıyrymdylyqqa jumsalyp, Bas múftı Naýryzbaı qajy Taǵanuly atalmysh qonaqtarǵa «Máýlit syıyn» tabystady.
Aıta keteıik, úsh myńǵa jýyq kórermen jınalǵan máýlit keshine musylman memleketteriniń Qazaqstandaǵy elshileri, elge tanymal azamattar men Dinı basqarma qyzmetkerleri, meshit ımamdary qatysty.
Источник: Aidos
