Bas múftı Almatyda 4 otbasyǵa páter kiltin tabystady (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almaty qalasynda «Zeket» qorynyń «El úlesi – páterge» jobasy aıasynda bir mezette 4 muqtaj otbasyǵa páter kiltin tabys etti.

Shara barysynda Bas múftı baspanaly bolǵan otbasylarǵa qutty bolsyn aıtty. Sondaı-aq muqtajdyń muńyn muńdap, meıirimdilikke úndeıtin berekeli jobanyń júzege asyrylýyna atsalysqan óner jáne sport qaıratkerlerine, jomart jandar men kásipker azamattarǵa, meshit ımamdaryna alǵysyn bildirdi. 

Máýlit aıynda ótken mereıli sharada úıli bolǵan tórt otbasy da ıgi jobanyń basy-qasynda júrgen barsha qaıyrymdy jandar men kásipker azamattarǵa jáne meshit ımamdary men erikti jamaǵatqa sheksiz rızashylyqtaryn jetkizdi.

Aıta keteıik, «El úlesi – páterge» jobasy aıasynda muqtaj otbasylarǵa №293, 294, 295, 296 úıdiń kiltteri tabystaldy.