BAS MÚFTI ALǴAShQY TARAÝYQ NAMAZYNDA ÝAǴYZ AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astanada Respýblıkalyq bas meshitte bıylǵy Ramazan aıynyń alǵashqy taraýyq namazyna qatysyp, jamaǵatqa ýaǵyz aıtty.

«Álem musylmandarynyń saǵyna kútetin, aılardyń sultany bolǵan qasıetti Ramazan aıynyń kelip jetýi barshamyz úshin úlken qýanysh.  Óıtkeni, qasıetti Ramazan aıy – meıirimdiliktiń, qaıyrymdylyqtyń, sabyrlyqtyń, taqýalyqtyń, nápsi tárbıesi men  keshirimdiliktiń aıy. Ardaqty Paıǵambarymyz (oǵan Allanyń salaýaty men sálemi bolsyn) qasıetti Ramazan aıy kirgende adamdardy súıinshilep:

«Aqıqatynda Alla Taǵala senderge orazany paryz etken múbárak aı kelip jetti. Bul jánnat esikteri ashylatyn, tozaq esikteri jabylatyn jáne shaıtandar kisendeletin aı. Osy aıda myń aıdan qaıyrly tún bar. Kimde-kim osy túnniń jaqsylyǵynan qur qalsa, barlyq jaqsylyqtan maqurym bolǵany», – dep aıtatyn bolǵan.

Endeshe, qasıetti Ramazan aıynyń kirýi musylman adam úshin úlken qýanysh. Jalpy oraza musylman adamǵa eki dúnıede de qýanysh syılaıtyn qulshylyq» dedi Bas múftı.

Sondaı-aq QMDB Tóraǵasy jamaǵatqa taraýyq namazyn ótkizetin qarılardy tanystyryp, ıgi nıetin jetkizdi jáne elimizdiń ıgiligi úshin arnaıy duǵa jasady.

Источник: Aidos