Bas meshittiń tehnıkalyq qyzmetkerlerine dáris bastaldy (FOTO)

Meshit – musylman jamaǵatynyń bes ýaqyt namazyn oqyp, qulshylyǵyn óteıtin ǵana meken emes. Búginde elimizdegi meshit ataýly mindet-mártebesi artyp, bilim men ǵylymnyń ordasyna aınalǵan. Jyl saıyn elimiz boıynsha myńdaǵan jannyń dinı saýat ashyp, bilim arttyryp kele jatqany – osynyń aıqyn dáleli. Budan bólek, elimizdegi qulshylyq ordalarynyń qaıyrymdylyq mekenine aınalǵanyna da kýámiz. Sondaı-aq, kún saıyn kóptegen jannyń aqyl-keńes suraı kelip, rýhanı qoldaý izdeıtin orny da osy meshitter.

Osy oraıda, meshit qyzmetkerleriniń mádenıeti men ádebi, minez-qulqy men meıirimdiligi – kelýshi jamaǵattyń kóńiline óz áserin tıgizip, túrli nátıjesin berip jatady. Osyǵan baılanysty búgin respýblıkalyq «Áziret Sultan» meshitinde tehnıkalyq quram qyzmetkerlerine arnalǵan arnaıy dáris sabaqtary bastaldy. Alǵashqy dáris sabaǵyn naıb ımam Qanat Qydyrmın ótkizip, tazalyqshy qyzmetkerlerge kórkem minez jaıly kelisti ýaǵyz aıtty.

«Áziret Sultan» meshitiniń Bas ımamy, naıb múftı Naýryzbaı qajy Taǵanulynyń bastamasymen bul dárister sabaǵy qulshylyq ordasyndaǵy tazalyqshy, kúzetshi jáne basqa da tehnıkalyq qyzmetkerlerge, ashana jumysshylaryna aı saıyn turaqty túrde ótkizilip otyratyn bolmaq. Dáris barysynda Islamdaǵy kórkem minez-qulyq máselesi, kishipeıildik men ádeptilik, meshit erejesi men ádebi sekildi taqyryptar tarqatylyp, meshit qyzmetkerlerin kórkem minezdilikke baýlı túsetin bolady.

Sýretterdi «FOTOGALEREIa» aıdarynan kóre alasyzdar!