Bas meshitte Jeksenbilik ýaǵyz jumystary qaıta jalǵasty (FOTO+VIDEO)

Elordadaǵy respýblıkalyq «Áziret Sultan» meshitinde karantındik shekteýlerge baılanysty kópten beri jelisi úzilip qalǵan «Jeksenbilik ýaǵyz dastarhany» qaıta jalǵasyp, keshe alǵashqy otyrysy ótti. Meshit jamaǵatynyń dinı saýatyn kóterip, aradaǵy tanystyq pen baýyrmaldyqty nyǵaıta túsýge baǵyttalǵan bul shara endi ár jeksenbi saıyn aqsham namazynan soń jalǵasyp turatyn bolmaq.

Ádettegideı meshittiń kishi zalynda aldymen qysqasha ýaǵyz aıtylyp, jamaǵat «Áziret Sultan» meshitiniń naıb ımamy Serikbaı Ádilhannyń «Alla Taǵalaǵa mahabbat» taqyrybyndaǵy tushymdy nasıhatyna qanyqty. Ýaǵyz sońynda ımamǵa suraqtar qoıylyp, jamaǵat kókeıinde júrgen keıbir máselelerdiń sheshimi aıtyldy.

Imam men jamaǵat arasyn jaqyndatyp, suraq-jaýap túrinde órbigen baılanys jeksenbilik dastarhan basynda da óz jalǵasyn taýyp, ǵıbratqa toly otyrysqa ulasty.

Sýretter toptamasy – «FOTOGALEREIa» aıdarynda.