BAS MEShITTE «MEKTEPKE JOL» AKTsIIaSY AIaSYNDA BALALARǴA 1500 SÓMKE TARATYLDY
Búgin QMDB Tóraǵasy, Bas múftı Naýryzbaı qajy Taǵanulynyń qatysýymen respýblıkalyq Bas meshitte «BILIMDI URPAQ – EL KELEShEGI» qaıyrymdylyq jobasy ótti.
Qazaqstan musylmandary dinı basqarmasy «Zeket jáne qaıyrymdylyq» qorynyń uıytqy bolýymen jyl saıyn jańa oqý jyly qarsańynda elimizdiń barlyq óńirlerinde qaıyrymdylyq aktsııalary uıymdastyrylyp, bilim izdegen jas jetkinshekterimizge meshit tarapynan qamqorlyq-qoldaý kórsetilip keledi. Izgi úrdis búgin elordadaǵy respýblıkalyq Bas meshitte jalǵasyn tapty.
Qasıetti Quran aıattary oqylyp, batasy jasalǵan soń minberge shyqqan Bas múftı ıgi is-sharanyń mánine toqtalyp, balǵyndardy merekemen quttyqtap, qajetti qural-jabdyq tolyǵymen salynǵan mektep sómkesin tabystady.
«Qazaqstan musylmandary dinı basqarmasy el ıgiligine arnalǵan túrli jobalardy árqashan qoldap keledi. Maqsatymyz árqashan jaqsylyqtyń jaıylýyna sebep bolý, jaqsy iske ortaqtasý. QMDB «Zeket jáne qaıyrymdylyq» qorynyń uıytqy bolýymen jyl saıyn osy ýaqytta dástúrli «Mektepke jol» respýblıkalyq aktsııasy aıasynda az qamtylǵan, kópbalaly otbasylardan shyqqan balalarǵa mektep formasy, kerekti qural-jabdyqtar salynǵan sómkeler tabystalyp keledi.
Byltyr «Mektepke jol» aktsııasy aıasynda oqýshy balalarǵa 21 000 sómke tabystalsa, bıyl osy ýaqytqa deıin 18 000 sómke berildi jáne jospar boıynsha oqýǵa qajetti jabdyqpen toltyrylǵan sómkeler aldaǵy ýaqytta da beriledi.
Aıta keteıik, «Mektepke jol» dástúrli qaıyrymdylyq aktsııasy bıyl 1 tamyz - 30 qyrkúıek aralyǵynda ótkiziledi. Aktsııanyń maqsaty – az qamtylǵan jáne kóp balaly otbasylardan shyqqan, jetim balalar men ata-anasynyń qamqorlyǵynsyz qalǵan oqýshylarǵa jańa oqý jylyna daıyndyq kezeńinde jáne áleýmettik sebepter boıynsha balalardyń mektepke barmaýynyń aldyn alý úshin kómek kórsetý.
Bizdiń bir balany demep, bir balany mektepke daıyndaýymyz múmkin bolashaqta bir ǵalymdy daıyndaǵanymyz shyǵar. Jolyn ashyp, jaǵdaıyn jasasaq ol da rıza bolary haq. Aktsııadan alys bolmaı, barynsha úles qosaıyq. Úles qosqan azamattarǵa alǵys bildiremiz» dedi Naýryzbaı qajy Taǵanuly.
Aıta keteıik demeýshi azamattardyń járdemimen búgin 1500 oqýshyǵa mektep jabdyqtary men sómke úlestirildi.
