Bas meshit aýlasynda merekelik sharalar uıymdastyryldy (FOTO)

Búgin, qasıetti Oraza aıt meıramyna oraı Nur-Sultan qalasyndaǵy respýblıkalyq «Áziret Sultan» meshitinde birqatar merekelik sharalar uıymdastyryldy. Qazaqy dástúrimizge saı aıtshylap kelgen qonaqtar úshin qos kıiz tigilip, meshit atynan merekelik dastarhan jaıyldy.

Arnaıy jaıylǵan aıt dastarhanynan QMDB tóraǵasy, Bas múftı Naýryzbaı qajy Taǵanuly, qala ákimi Altaı Seıdiruly bastaǵan qurmetti qonaqtar dám tatyp, izgi tilekterin bildirip shyqty. Bas múftı Naýryzbaı qajy Taǵanuly aıt merekesiniń qadir-qasıeti jaıly sóz qozǵap, aq jaýlyqty apa-ájelerimizge rııasyz alǵysyn bildirdi.

Aıta keteıik, meshit aýlasynda búgingi meıramǵa oraı Áıel-qyzdar sektory «Qaıyrymdylyq jármeńkesin» qosa uıymdastyryp, jamaǵatqa qoldan daıyndalǵan túrli taǵamdar men táttiler usyndy.

Sýretterdi «FOTOGALEREIa» aıdarynan kóre alasyzdar!

Источник: Aidos