Bas meshit aýlasyna abattandyrý jumystary júrgizildi (FOTO)

El astanasy Nur-Sultan qalasy boıynsha ótken senbilik jumystaryna meshit qyzmetkerleri belsene atsalysyp, respýblıkalyq «Áziret Sultan» meshitiniń aýlasyna aǵash otyrǵyzdy. Qala bas ımamy Erbolat Júsipov bastaǵan ókildik qyzmetkerleri Ramazan aıyndaǵy saýapty sharaǵa bar yntalarymen kirisip, meshittiń Amanjolov kóshesi jaǵyndaǵy betkeıine aqqaıyńdar otyrǵyzdy.

Ardaqty Muhammed (s.ǵ.s.) paıǵambarymyz: «Kimde-kimniń qolynda kósheti (tal shybyǵy) bolsa, sony qııamet qaıym bastalyp ketse de dereý otyrǵyzyp úlgersin», – dep, aǵash egýdiń aıryqsha mańyzdy is ekenin eskertken eken.

Aıta keteıik, qala ákimdiginiń habarlaýynsha, 16 jáne 23 sáýir kúnderi ótken senbilik aıasynda jalpy sany 4 000 astam tal otyrǵyzylǵan.