Bas ımam qala meshitteriniń Ramazandaǵy jaı-kúıimen tanysty (FOTO)

Qasıetti Ramazan aıy kelisimen Allanyń jerdegi úıi – meshitterdiń tynys-tirshiligi jańasha leppen damyp, túrlene túsetini belgili. Saýapqa toly múbárak merzimdi paıdaly ótkizýdi kózdegen jamaǵatqa aıryqsha jaılylyq jasalyp, jumys barysy da jandana túsedi. Qulshylyq ordalaryndaǵy bul qarbalas Ramazannyń sońǵy onkúndigi bastalǵanda tipten qarqyn alady.

Osyǵan baılanysty Nur-Sultan qalasynyń bas ımamy Erbolat Júsipov qaladaǵy qulshylyq ordalaryn arnaıy aralap, jumys barysymen tanysty. Alǵashqy jumys saparynda bas ımam bastaǵan ókildik qyzmetkerleri «Áljan ana» meshiti men «Astana» medrese-kolledjiniń Qyzdar bóliminiń jaǵdaıymen tanysyp qaıtty. Meshit pen medresedegi tazalyq pen qaýipsizdik máselelerin qadaǵalap, meshit qyzmetkerlerimen kezdesti. Bas ımam Erbolat Júsipov besin namazy aldynda jamaǵatqa ýaǵyz aıtyp, ımamdyqqa shyqty.

Aıta keteıik, QMDB Nur-Sultan ókildigi tarapynan tekserý jumystary qaladaǵy 12 meshit boıynsha túgeldeı júrgiziletin bolmaq.