BALALAR MEN ATA-ANALARǴA ARNALǴAN SEMINAR ÓTTI (FOTO)

Búgin Respýblıkalyq «Áziret Sultan» meshitinde «Balany jastan» atty 7-12 jas aralyǵyndaǵy jas jetkinshekter men olardyń  ata-analaryna arnalǵan sımınar ótti. Semınardy júrgizgen meshit ustazy Shalqar Joldy balalarmen keri baılanys jasaı otyryp, ata-anany qurmetteý, qadirin bilý týraly ýaǵyz-nasıhatyn aıtty. Al ata-analarǵa olardyń asyl dinimiz shegendep bergen bala aldyndaǵy mindetterimen tanystyrdy.

Meshittiń turaqty shákirtteri qatysqan bul jıynda dinı jáne ulttyq salt-dástúrler boıynsha suraqtar da qoıylyp, belsendi qatysýshylarǵa syılyqtar berildi. Spıker balalarǵa ulttyq oıyn túrlerin baıandap, tanymdyq aqparattar berdi. Sondaı-aq, tanymdyq, rýhanı, sezimge toly beınerolıkter kórsetilip, jıynnyń kórkin asha tústi.

«Balalar ata-anasynyń kóńil bólgenin, birge ýaqyt ótkizýin qalaıdy jáne ata-anasymen birge shuǵyldanǵan isteri jadynda umytylmastaı saqtalady. Sondyqtan nasıhatqa toly osyndaı sharalardy ata-analarmen birge ótkizý – óte paıdaly», - deıdi meshit ustazy Shalqar Joldy.

 

Источник: Aidos