Balalar kúni qarsańynda kópbalaly otbasylarǵa syılyq jasaldy (FOTO)

1 maýsym – halyqaralyq Balalardy qorǵaý kúni qarsańynda Nur-Sultan qalasyndaǵy respýblıkalyq «Áziret Sultan» meshitinde kópbalaly jandarǵa qaıyrymdylyq sharasy uıymdastyryldy. Meshit bas ımamy Erbolat Nuryldaulynyń bastamasy negizinde mereke qarsańynda kóp balaly 20 otbasyǵa demeýshi azamattardyń qoldaýymen qarjylaı kómek berildi. Shara aıasynda qulshylyq ordasynyń tazalyqshylar qaýymy da qamtyldy.

QMDB «Zeket jáne qaıyrymdylyq» qorynyń Nur-Sultan ókildigi boıynsha jaýapty qyzmetkeri Mereı Jaqııa men «Áziret Sultan» meshitiniń naıb ımamy Tamırlan Ibraevtar jamaǵatqa búgingi sharanyń mańyzyn túsindirip, merekemen quttyqtady. Igi sharaǵa demeýshilik tanytqan azamatqa kópshilik aldynda alǵysyn bildirdi.

Sýretterdi «FOTOGALEREIa» aıdarynan kóre alasyzdar!