«ÁZIRET SULTAN» MEShITINIŃ USTAZY «ÁL-FARABI» MEShITINDE NASIHAT AITTY (FOTO)

«Ábý Nasyr ál-Farabı» meshitinde ádettegideı jamaǵatqa arnalǵan beısenbilik aq dastarhan jaıylyp, kópshilikke arnalǵan nasıhat keshi ótti.

Bul joly «Ábý Nasyr ál-Farabı» meshiti Jastar isi sektorynyń uıymdastyrýymen ótkizilgen sharaǵa «Áziret Sultan» meshitiniń ustazy Ersaıyn Qabylqanuly arnaıy qonaq bolyp keldi. 

Ersaıyn Qabylqanuly jıylǵan jamaǵatqa «Óz-ózine qol jumsaý – Jaratqanǵa qarsy shyǵý» taqyrybynda nasıhat aıtty. Nasıhat barysynda taqyryp aıasyndaǵy Quran aıattary men Paıǵambar (s.ǵ.s) hadısterinen kórkem mysaldar keltirdi.

Óz-ózine qol jumsaý, ıaǵnı búginde sýıtsıd dep atalyp júrgen uǵymǵa Islam turǵysynan keńinen taldaý jasady. Adamdardy óz-ózine qol jumsaýǵa ıtermeleıtin faktorlardy tizbektep berdi: rýhanı daǵdarysqa ushyraý, mazasyzdyq, tereń sozylmaly kúızeliste júrý, jalǵyzdyq, sheshimi joq bolyp kóringen basyndaǵy qıyndyqtary: ómirdiń mənin joǵaltý, sharasyzdyq, qysym kórý, qaryzǵa kirip shyǵa almaý ekenin tilge tıek etti.

Nasıhat sońynda jamaǵatqa el bolyp, besigimizdi túzetemiz desek, jastarymyzǵa óz-ózine qol jumsaý dertiniń zııanyn barynsha uǵyndyrýymyz qajet ekenin aıtty. Alla ərbir sətsizdikten sabyr izdep, ómirde iz qaldyratyndaı ǵumyr keshýdi násip etýin tilep, duǵa jasady.

Источник: Aidos