«ÁZIRET SULTAN» MEShITINIŃ ShÁKIRTTERI MARAPATTALDY (FOTO)

«Áziret Sultan» meshitinde tálim alyp kele jatqan er shákirtterdiń bir toby Quranǵa túsýine oraı olardy marappattaý keshi ótti.

Shákirtterdiń yntasy men tabandylyǵyn arttyrý maqsatynda uıymdastyrylyp otyrǵan sharaǵa «Áziret Sultan» meshitiniń naıb ımamy Jumanazar Sadyrhanov jáne ustaz Ersaıyn Sákenov pen bir top shákirtter qatysty.

Aıta ketsek, bul Quran Kárimdi túpnusqasynda oqý múmkindigine qol jetkizip jatqan shákirtterdiń bir bóligi ǵana. Bilim jolynda meshit tabaldyryǵyn attap kelip otyrǵan jandardy yntalandyrý maqsatynda áli de ıgi sharalar jalǵasyn tappaq.

Quran Kárim – Alla Taǵalanyń sózi. Quran – qundylyǵy esh eskirmeıtin kitap. Quran – búkil zaman úshin, búkil adam balasy úshin jaramdy qaǵıdattar men qundylyqtarǵa toly qasıetti kitap.

Qurandy oqyǵan jáne oǵan amal qylǵan adamnyń qol jetkizer dúnıesi óte úlken. Alla Taǵala Quran Kárimde «Allanyń kitabyn shynaıy túrde (ıaǵnı amal ete otyryp) oqıtyn, namazdy tolyq oryndaıtyn jáne ózderine bergen ryzyq-nesibemizden izgilik jolynda jasyryn-jarııa jumsaıtyndar eshqashan zııanǵa ushyramaıtyn saýdany úmit ete alady. Óıtkeni Alla olarǵa tıisti saýabyn tolyq beredi. Sondaı-aq Óziniń sheksiz sharapatymen olardyń syıyn odan saıyn arttyra túsedi. Alla óte keshirimdi jáne shúkirshil (ıaǵnı árbir izgi nıet pen amaldyń qarymyn eselep, artyǵymen berýshi)», – deıdi («Fatyr» súresi, 29 aıat). Iaǵnı Qurandy oqyǵan jáne oǵan amal qylǵan adamnyń eńbegi esh ketpeıdi.