«ÁZIRET SULTAN» MEShITINIŃ ÁIEL JAMAǴATYNA JIYN ÓTTI (FOTO)

«Áziret Sultan» meshitinde «Islam jáne dástúr qundylyǵy» jylyna oraı áıel jamaǵatyna «Jaman oıdan aýlaq bol» taqyrybynda ýaǵyz keshi ótti.

Is-sharaǵa QMDB Áıel-qyzdar sektorynyń meńgerýshisi Dınara Qutqojaqyzy, Astana qalasy ókildigi Áıel-qyzdar sektorynyń jetekshisi Kúlsara Beketqyzy jáne basqa da áıel ustazdar men jamaǵat qatysty.

Jıyn barysynda qatysýshylarǵa jaman oılardan saqtaný, musylman áıelderiniń rýhanı tazalyǵy men qoǵamdaǵy ornyn nyǵaıtý týraly aıtyldy. Dınara Qutqojaqyzy óz sózinde, adamnyń aqyl-oıy men júreginiń tazalyǵy adamnyń ishki dúnıesin qalyptastyratynyn atap ótti. Ol jaman oılar men teris nıetterdiń júrekke áser etip, adamnyń bolmysyna teris yqpal etetinin túsindirdi. Sonymen qatar, áıelderdiń óz-ózine senimi men rýhanı kúsh-jigerin arttyrýdyń mańyzdylyǵyna erekshe toqtaldy.

Sonymen qatar, is-shara sońynda suraq-jaýap sessııasy uıymdastyryldy. Qatysýshylar ózderin qyzyqtyrǵan suraqtaryn qoıyp, ımamdar men áıel ustazdardan jaýap aldy. Olar ıslamnyń áıelderge qatysty úkimderi, jaman oılardan saqtaný joldary men otbasyndaǵy rýhanı tárbıe máseleleri týraly túrli suraqtar qoıdy.