«Áziret Sultan» meshitine jańa qyzmetkerler taǵaıyndaldy (FOTO)
Búgin Nur-Sultan qalasyndaǵy respýblıkalyq «Áziret Sultan» meshitinde birqatar qyzmettik taǵaıyndaýlar boldy. Juma namazyna jıylǵan jamaǵatqa meshit bas ımamy Erbolat Júsipov jańa qyzmetkerlerdi tanystyryp, jumystaryna sáttilik tiledi. Kópshilik aldynda QMDB tóraǵasy, Bas múftı Naýryzbaı qajy Taǵanulynyń buıryǵyn oqyp berip, Ádilhan Imanáliuly men Zakır Ramazanulynyń naıb ımam qyzmetine jáne Erdos Ómirzaqulynyń azanshy bolyp taǵaıyndalǵanyn jetkizdi.
Jamaǵatqa jańa qyzmetkerler jaıly qysqasha málimet berip ótken Erbolat Júsipov úsh azamattyń da Elorda jurtshylyǵyna burynnan tanys ekendigin, jemisti eńbekteri eldiń aldynda ekenin aıtyp, izgi tilegin bildirdi. Jamaǵat atynan aqsaqaldar batasyn berip, el ıgiligi men din ıgiligi jolyndaǵy jumystaryna bereke tiledi.
Respýblıkalyq «Áziret Sultan» meshitiniń jańa qyzmetkerlerimen tanys bolyńyzdar:
Serikbaı Ádilhan Imanáliuly 1980 jyly 21 mamyrda dúnıege kelgen. OQO, Maqtaaral aýdanynyń týmasy. Úılengen, 4 balasy bar.
1995-1997 jj. Shymkent qalasyndaǵy «Arystanbab» medresesinde oqyǵan.
2000-2004 jj. Halyqaralyq qazaq-arab ýnıversıtetin «Arab tili muǵalimi jáne dintanýshy» mamandyǵy boıynsha bitirgen.
Qazirgi ýaqytta L.N.Gýmılev atyndaǵy Eýrazııa Ulttyq ýnıversıtetiniń «Dintaný» kafedrasynyń magıstratýrasynda bilim alýda.
2005-2006 jj. Iran Islam Respýblıkasyndaǵy Qazaqstan elshiliginde qazaq-parsy tilderinen aýdarmashy;
2006-2007 jj. QMDB Qaraǵandy oblysy ókil-ımamynyń kómekshisi;
2007-2011 jj. «Nur Astana» ortalyq meshitibas ımamynyń kómekshisi;
2011-2015 jj. Qyzylorda oblystyq «Aqmeshit-Syrdarııa» ortalyq meshitniń naıb ımamy;
2015-2019 jj. «Nur Astana» ortalyq meshitiniń naıb ımamy;
2019-2022 jj. «Áljan ana» meshitiniń bas ımamy bolyp qyzmet atqarǵan.
Sanhý Zakır Ramazanuly 1981 jyly 26 maýsymda Jambyl oblysy, Qordaı aýdany, Sortobe aýylynda dúnıege kelgen. Úılengen, alty balanyń ákesi.
1987-1998 jj. Jambyl oblysy, Qordaı aýdany, Sortobe aýylyndaǵy orta mektepte bilim alǵan.
1998-2000 jj. Almaty qalasyndaǵy Islam Instıtýtynda bilim jetildirgen.
2001-2002 jj. Sırııanyń Damask qalasyndaǵy «Badrdın ál-Hasanı» ınstıtýtynda arab tilinen bilim alǵan.
2003-2009 jj. Saýd Arabııasy ýnıversıtetin bitirgen.
2014 jyldan bastap Nur-Sultan qalasynday «Sádýaqas qajy Ǵylmanı» meshitiniń naıb ımamy bolyp qyzmet atqaryp kelgen.
Aıtbaev Erdos Ómirzaquly 1986 jyly 30 qańtarda Túrkistan oblysy, Saryaǵash aýdany, Eskiqorǵan aýylynda dúnıe kelgen. Úılengen, eki qyz, bir uly bar.
1992-2003 jyldary Saryaǵash aýdany, Eskiqorǵan aýylynda Qurmanǵazy atyndaǵy orta mektepte oqyǵan.
2008-2009 jyldary Túrkistan qalasyndaǵy medresede bilim alǵan.
2009-2012 jyldary Shymkent qalasynda «Shymkent» medresesin támamdaǵan.
2012-2013 jyldary Shymkent medresesinde Tárbıeshi ustaz;
2019-2022 jyldary Respýblıkalyq «Áziret Sultan» meshitinde kezekshi molda qyzmetin atqaryp kelgen.
