«ÁZIRET SULTAN» MEShITINDE JAMAǴATQA QAJYLYQ DÁRISTERI ÓTTI (FOTO)
«Áziret Sultan» meshitinde jamaǵatqa qajylyq týraly arnaıy dáris ótkizildi. QMDB Astana qalasy ókildigi boıynsha qajylyq bólimine jaýapty mamany, «Áziret Sultan» meshitiniń naıb ımamy Darhanuly Tamırlan qajylyqtyń negizgi sharttary men rásimderi jaıly málimet berip, qajylyqqa qatysty kóptegen suraqtarǵa da jaýap berdi. Atap aıtqanda, qajylyqqa kimder bara alatyny, qajylyqtyń máni men mańyzy, onyń árbir satysynyń erekshelikteri jáne qajylyq úshin daıyndyqty qalaı durys júrgizý kerektigi sóz boldy.
Sonymen qatar, qazirgi tańda qajylyqqa baryp kelý úshin kóptegen fırmalar men týroperatorlar qyzmet kórsetetini belgili. Biraq, osyndaı saparǵa attanar aldynda azamattar alaıaqtardan saqtanýy kerek. Qajylyqty uıymdastyrýshy kompanııalar týraly aqparattar berilip, qajylyq saparynan buryn mańyzdy qujattar men sharttardy tekserý kerektigi aıtyldy. Bul – qajylyqqa barar aldynda qarajattyń durys jumsalýyna jáne sapardyń qaýipsiz ótýine kómektesedi.
Sondaı-aq, Tawaf Travel qajylyq kompanııasy týraly jan-jaqty aqparat berildi. Bul kompanııa kóptegen qajylyq saparlaryn uıymdastyrýda tanymal jáne óziniń sapaly qyzmetimen erekshelenedi. Tawaf Travel kompanııasy qajylyqqa baramyn degen azamattarǵa barlyq qajetti kómek kórsetedi, sonyń ishinde sapardyń barlyq kezeńderin uıymdastyrý, turaqtaýdyń jaılylyǵy, dinı rásimderdi durys oryndaý úshin keńester berý jáne t.b.
Qajylyq – musylman qaýymynyń eń qasıetti mindetteriniń biri, sondyqtan bul sapardy uıymdastyrý jáne oǵan barý úshin durys ári senimdi kompanııalardy tańdaý óte mańyzdy.
