«ÁZIRET SULTAN» MEShITINDE ShÁKIRTTERGE ARNALǴAN BILIM ShARASY ÓTTI (FOTO)

Astana qalasyndaǵy «Áziret Sultan» meshitinde «Seni jaratqan Rabbyńnyń atymen oqy!» atty shákirtterge arnalǵan bilim sharasy ótti. «Islam – yntymaq pen birlik jyly» aıasynda uıymdastyrylǵan Bilim sharasy quptan namazynan soń qulshylyq ordasynyń kishi zalynda bas qosqan barlyq shákirtterdiń bir-birimen etene tanysyp, jaqyn aralasýyna jol asha tústi. Buǵan deıin túrli aýysymmen oqyp júrgen shákirtter toby «Áziret Sultan» meshitiniń barsha ımam-ustazdarymen de, jasy úlken aǵa-qarııalarmen de jaqyn tanysyp, jamaǵat birligi nyǵaıa tústi.

«Áziret Sultan» meshitiniń jáne Astana qalasynyń bas ımamy Erbolat Júsipov búgingi sharanyń osyndaı mańyzdylyǵyn atap ótip, bilim jolyndaǵy shákirtterge nasıhat aıtty. Sondaı-aq, shákirtterdiń Quranǵa degen qushtarlyǵyn oıatyp, izdenisterin týǵyzý maqsatynda belgili qarı Murtaza Ertaıulymen suhbat júrgizilip, túrli saýaldardyń sheshimi aıtyldy.

Shara sońynda barsha shákirtter qaýymyna qasıetti Quran kárim taratylyp, qarııalardyń aq batasymen aıaqtaldy.

Sýretter toptamasyn «FOTOGALEREIa» aıdarynan kóre alasyzdar!