«ÁZIRET SULTAN» MEShITINDE QURANǴA TÚSKEN ÁIEL ShÁKIRTTERDI MARAPATTAÝ KEShI ÓTTI (FOTO)

«Áziret Sultan» meshitinde áıel shákirtterdiń Qurandy jattaý jolyndaǵy tabystaryna oraı marapattaý rásimi ótti. Sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov jáne meshittiń áıel ustazdary men shákirtter qaýymy qatysty.

Jıyn qasıetti Quran aıattarymen bastalyp, qala bas ımamy Erbolat Nuryldauly shákirtterdiń rýhanı izdenis jolyndaǵy tabandylyǵy men yntasyn erekshe atap ótip, aldaǵy izdenisterine sáttilik tiledi.

Shara barysynda shákirtterge arnaıy sertıfıkattar men Quran kitaptary tartý etildi. Quranǵa degen mahhabbaty men talabynyń arqasynda Allanyń kitabyn túpnusqada oqý múmkindigine qol jetkizgen aq jaýlyqty ájeler qaýymy da ustazdarǵa óz alǵystary men rızashylyqtaryn bildirip jatty.

Bul jıyn Quran jattaýdyń qadirin nasıhattap, rýhanı tárbıege umtylǵan jandar úshin úlken demeý. Meshit ujymy osyndaı ıgi sharalardyń aldaǵy jyl boıy jalǵasyn tabatynyn jetkizdi.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos