«ÁZIRET SULTAN» MEShITINDE QARILARǴA QURMET KÓRSETILDI (FOTO)
Ramazan aıynyń qasıetti kúnderinde «Áziret Sultan» meshitinde taraýyq namazyn júrgizgen qarılarǵa arnaıy qurmet kórsetildi.
Astana qalasynyń jáne «Áziret Sultan» meshitiniń bas ımamy Erbolat Júsipov qasıetti aı boıy jamaǵatqa Quran hatym etken qarı-ımamdarǵa qazaqy dástúrmen ıyqtaryna shapan jaýyp, syı-sııapat jasady.
Aıta ketsek, bıylǵy taraýyq namazynda elimizdiń jáne sheteldiń belgili qarılary (Sadyrhanov Jumanazar Óserhanuly, Mýhammad Ibrahım Alı Ash-Shabraýı, Áýeshan Nurbolat Nurbekuly, Erkinbek Musabek Mádáliuly) Quran oqyp, jamaǵatqa rýhanı azyq syılady. Árbir taraýyq namazynan buryn jamaǵatqa nasıhat aıtylyp, namaz sońynan el amandyǵy men berekesi úshin duǵa-tilekter jasaldy.
«Áziret Sultan» meshitiniń bas ımamy qasıetti aıda halyqqa qyzmet etken qarılarǵa alǵys bildirip, olardyń eńbegin joǵary baǵalady. Meshit jamaǵaty da qarılardyń eńbegine rızashylyqtaryn bildirip, ystyq yqylastaryn jetkizdi.
