«ÁZIRET SULTAN» MEShITINDE OTBASYLYQ KEŃES BERÝ ORTALYǴYNYŃ LENTASY QIYLDY (FOTO)

QMDB Astana qalasy ókildigi «Áziret Sultan» meshitinde jańa otbasylyq keńes berý ortalyǵynyń saltanatty ashylýy ótti.

Atalǵan is-sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń bas ımamy Erbolat Júsipov, Astana qalasy ókildigi Áıel-qyzdar sektorynyń jetekshisi Kúlsara Beket, meshit qyzmetkerleri men áıel jamaǵaty qatysty.

Ortalyqtyń ashylý rásiminde arnaıy lenta qıylyp, jınalǵan qaýymǵa onyń qyzmeti men maqsaty týraly keńinen aqparat berildi. Bul ortalyq otbasylyq qundylyqtardy dáripteý, erli-zaıyptylar arasyndaǵy qarym-qatynasty nyǵaıtý, ajyrasý kórsetkishin tómendetý, sondaı-aq túrli turmystyq máselelerge dinı jáne psıhologııalyq turǵydan keńes berý baǵytynda jumys isteıtin bolady.

Keńes berý ortalyǵynda bilikti mamandar qyzmet atqaryp, erli-zaıyptylarǵa, ata-analarǵa jáne jastarǵa jan-jaqty qoldaý kórsetpek. Ortalyq aldaǵy ýaqytta kez kelgen azamatqa ashyq bolyp, jan-jaqty qoldaý kórsetýdi maqsat etip otyr.

Jıyn barysynda meshit qyzmetkerleri men jamaǵat ókilderi ortalyqtyń mańyzdylyǵyn atap ótip, onyń jumysyna sáttilik tiledi. Qonaqtar keńes berý bólmesiniń ishki ıntererimen tanysyp, onyń zamanaýı ári jaıly jaǵdaıda jabdyqtalǵanyn erekshe atap ótti jáne jıyn sońynda elimizdegi árbir otbasynyń tynyshtyǵy men berekesin tilep duǵa jasaldy.

Aıta keteıik, QMDB Tóraǵasy, Bas múftı Naýryzbaı qajy Taǵanulynyń bastamasymen bıylǵy 2025 jyl «Islam jáne otbasy qundylyǵy» jyly bolyp bekitilgen bolatyn. Bul bastama aıasynda elimizdegi meshitterde otbasy qundylyqtaryn dáripteý maqsatynda túrli is-sharalar men baǵdarlamalar uıymdastyrylyp, januıalyq máseleler boıynsha keńes berý qyzmetin kúsheıtý kózdelip otyr.

Sýretterdi tolyǵyraq «FOTOGALEREIa» aıdarynan kóre alasyz!   

Источник: Aidos