«ÁZIRET SULTAN» MEShITINDE ORAZA AIT NAMAZY OQYLDY (FOTO)

«Áziret Sultan» meshitine tań qylań berisimen kelgen jamaǵat meshittiń ishi men syrtqy aýlasyna sap túzedi. Meshit minberine kóterilgen «Áziret Sultan» meshitiniń bas ımamy Erbolat Júsipov jamaǵatqa Oraza aıt jaıly ýaǵyz aıtyp, ulyq merekeniń qundylyqtaryn sóz etti. Jáne de aıt namazynyń oqylý úlgisin túsindirip ótti.

Musylman qaýymynyń ulyq merekesi osylaısha Astana qalasy boıynsha saǵat 07:00-de oqylǵan aıt namazymen bastaldy. Jyldaǵy úrdis boıynsha meshit aýlasynda aıtshylap kelýshilerge arnalyp qazaq úı tigilip, merekelik baǵdarlamalar daıyndaldy.

Oraza aıt namazynan keıin ulttyq oıyndardan saıys ótti. Jamaǵat arqan tartys, qoshqar kóterý, bórene kóterý, qol kúres, asyq atý syndy ulttyq oıyndarda óz ónerlerin kórsetip, baqtaryn synady.