«Áziret Sultan» meshitinde Máýlit jyry oqyldy (FOTO)

Qasıetti juma kúni Astana qalasyndaǵy «Áziret Sultan» meshitinde Paıǵambarymyz (s.ǵ.s.) týylǵan aıdyń qurmetine oraı Máýlit merekesi atalyp ótildi. Juma namazyna jıylǵan jamaǵatty meshit qyzmetkerleri qasıetti Zám-zám sýy jáne qurma jemisimen qarsy alyp, búgingi Máýlit merekesimen quttyqtady.

Juma namazy aldynda «Áziret Sultan» meshitiniń bas ımamy Erbolat Júsipov, naıb ımam Jumanazar Sadyrhanov pen azanshy Qaınar Bazarhan Orta Azııa musylman elderinde keńinen taraǵan Bárzanjı máýlitin oqydy. Sharaǵa arnaıy qatysqan naıb múftı Sansyzbaı Shoqanuly batasyn jasap, jamaǵatpen birge salaýat aıtyldy.