«ÁZIRET SULTAN» MEShITINDE KÚN SAIYN 500 ADAMǴA AÝYZAShAR DASTARHANY JAIYLYP JATYR (FOTO)

Elordadaǵy eń úlken qulshylyq ordalarynyń biri – «Áziret Sultan» meshitinde qasıetti Ramazan aıynyń qurmetine kún saıyn 500 adamǵa aýyzashar beriledi.

Meshit jamaǵaty men qala turǵyndaryna arnalǵan bul ıgi is-sharada demeýshi jandardyń qoldaýymen arnaıy dastarhan jaıylyp, oraza tutqandarǵa dámdi taǵam usynylady. Kún saıyn aýyzasharǵa jınalǵan jamaǵat qasıetti aıdyń berekesin sezinip, bir-birine izgi tilekterin joldaıdy.

Sondaı-aq, aýyzashar kezinde rýhanı nasıhat aıtylyp, din mamandary Ramazan aıynyń artyqshylyqtary, orazanyń saýaby men musylmandyq qundylyqtar jaıynda taǵylymdy oılarymen bólisedi.
Qaıyrymdylyq pen meıirimdilikti dáripteıtin bul ıgi is-shara Ramazan aıy boıy jalǵasady. Oraza ustaǵan jandarǵa arnalǵan bul dastarhan jamaǵattyń birligi men yntymaǵyn arttyryp, qasıetti aıdyń rýhanı atmosferasyn sezinýge yqpal etedi.

 Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos