«ÁZIRET SULTAN» MEShITINDE ÁIEL JAMAǴATYNA OTBASY TAQYRYBYNDA AÝQYMDY SEMINAR ÓTTI (FOTO)
Astana qalasyndaǵy «Áziret Sultan» meshitinde áıel jamaǵatyna «Islam jáne otbasy qundylyǵy» jylyna oraı bilikti ustazdardyń qatysýymen aýqymdy semınar ótti.
Is-sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń bas ımamy Erbolat Júsipov, Astana qalasy ókildigi Áıel-qyzdar sektorynyń jetekshisi Kúlsara Beket, Almaty qalasy Áıel-qyzdar sektorynyń jetekshisi Súleımenova Gúlmıra, Almaty oblysy Áıel-qyzdar sektorynyń jetekshisi Janalıeva Nazerke, Túrkistan oblysy boıynsha Áıel-qyzdar sektorynyń jetekshisi Ábıeva Eńlik ustazdar qatysty.
Semınar barysynda otbasy qundylyqtaryn saqtaý, ıslamdaǵy áıeldiń róli, bala tárbıesi, erli-zaıyptylar arasyndaǵy syılastyq jáne rýhanı kemeldený sekildi mańyzdy taqyryptar qozǵaldy. Sonymen qatar, erli-zaıyptylar arasyndaǵy qarym-qatynas, mahabbat pen syılastyq, januıadaǵy senim men túsinistik, er adamǵa baǵynýdyń sharıǵı qaǵıdalary, er men áıeldiń mindetteri týraly da aıtyldy.
Is-shara sońynda qatysýshylar óz alǵystaryn bildirip, osyndaı paıdaly basqosýlar aldaǵy ýaqytta da jalǵasyn tapsa degen nıetterin bildirdi. Qyz-kelinshekter ustazdarǵa kókeılerinde júrgen suraqtaryn qoıyp, bala tárıbesi, otbasylyq qundylyqtarǵa qatysty paıdaly keńester aldy.
Sýretterdi tolyǵyraq «FOTOGALEREIa» aıdarynan kóre alasyz!
Источник: Aidos
