«ÁZIRET SULTAN» MEShITINDE ÁIEL JAMAǴATYNA ARNALǴAN SEMINAR ÓTTI (FOTO)

QMDB Astana qalasy ókildigi Áıel-qyzdar sektory men Dinderdi zertteý ortalyǵynyń mamandarynyń birlese uıytqy bolýymen «Ana men bala densaýlyǵy – ult bolashaǵy» atty semınar ótti. Teolog mamandarmen birge, psıholog, gınekolog sekildi medıtsına mamandary da baıandama jasap, tushymdy aqparattarǵa toly ótken semınar jumysyna «Áziret Sultan» meshitiniń 20-ǵa jýyq áıel jamaǵaty qatysty.

Atap aıtqanda, semınar qatysýshylaryna «Áziret Sultan» meshitiniń ustazy Nurgúl Álıhanqyzy, Dinderdi zertteý ortalyǵynyń psıholog mamany Janna Abdýalıqyzy, Joǵarǵy dárejeli akýsher-gınekolog Áketaeva Ásem Saǵyndyqqyzy, Dinderdi zertteý ortalyǵynyń teolog mamany Talshyn Zarqymqyzy baıandama jasady.