«ÁZIRET SULTAN» MEShITINDE ALǴAShQY AÝYZAShAR DASTARHANY JAIYLDY (FOTO)

Qasıetti Ramazan aıynyń bastalýyna oraı Astana qalasyndaǵy «Áziret Sultan» meshitinde jamaǵatqa arnalǵan alǵashqy aýyzashar dastarhany jaıyldy. Demeýshi jandardyń qoldaýymen kúndelikti 500 janǵa arnalyp jaıylatyn tegin aýyzashar dastarhany Ramazan aıy boıy jalǵasatyn bolmaq.

Alǵashqy aýyzashar otyrysyna jıylǵan jamaǵatqa «Áziret Sultan» meshitiniń ustazy Ersaıyn Sákenov Ramazan aıynyń qadir-qasıeti jóninde nasıhat aıtty. Sondaı-aq, oraza jaıynda qajetti maǵlumat berip, jamaǵat úshin paıdaly keńestermen bólisti. Rýhanı keshtiń sońynda aýyzashar dastarhanyn jaıyp otyrǵan jomart jandarǵa aqsaqaldar duǵa-tilekterin arnap, bata jasaldy.

Sýretterdi tolyǵyraq «FOTOGALEREIa» aıdarynan kóre alasyz!